الاثنين، 18 مايو 2009

الـــــصــــمـــــت و الـــــــعـــــــشــــــق



الصمت يكفي ويشفي صدر راعيه
لا صار كل الحكي مالـه معانـي



والقلب ما عاد تعنيه المشاريـه
والعين ماعاد تغريهـا الامانـي




والخاطر العمس من يقدر يسليه
الناس والا الشعـر والا الاغانـي ..؟



يا كاتب الحزن في قلبي وقاريـه
في نظرتي في انفعالي في حناني

ياليت حزني مجرد دمـع وابكيـه
ماهوب عايش معي بين المحانـي



ماهوب يظهر علي واحاول اخفيه
و تصير نظرات حزني هي لساني

لو للسحايب سجن يا عبرة التيـه
والله ما احبسك بخفاقـي ثوانـي



مدري ذكرني زمان كنت ناسيـه
مدري ذكرت الزمان اللي نسانـي


كنت اكره البحر واخاف الغرق فيه
و اليوم احبه واخاف من المواني


كنت اعشق الجاي باحلامه وامانيه
يا ما بنيت بخيالـي لـه مبانـي


ياما رجيت العطا من مـدة يديـه
حتى خذا كل شي ومـا عطانـي

ليست هناك تعليقات:

إرسال تعليق